Mendi libroj de eldonejo Impeto eblas en libroservo de UEA kaj diversaj landaj Esperanto-asocioj.
Rusianoj povas mendi librojn en ruslingva librobutiko.
Arkadij Strugackij kaj Boris Strugackij
Fabelo pri la Triopo
Arkadij Strugackij, Boris Strugackij Fabelo pri la Triopo. 13x20 cm, gluita. 192 стр. ISBN 978-5-7161-0209-5. Tradukis Mikaelo Bronŝtejn Pentristo Vjaĉeslav Te Prefaco Kara leganto, Mi gratulas vin ĉe eklego de la unika verko de fratoj Strugackij. Kompreneble, se vi jam konas la sep aliujn, aperintajn antaŭe, vi nepre diros, ke ĉiu verko de fratoj Strugackij estas unika. Certe, vi pravas. Do nun la unikeco de via legaĵo estas en tio, ke ĝi estas la plej satira, la plej moka, la plej ofenda por la sovetia ŝtata sistemo. “La libro, verkita per galo kaj vinagro” – diris Boris Strugackij. » |
La burgo kondamnita
La grandioza Eksperimento. Organizita de kiu, kiam, kie? Ie en la Universo. En unuecan socialan komunumon oni lokigis homojn de diversaj nacioj, el diversaj sociaj tavoloj, ordoj. Absurda deviga ŝanĝado de profesioj inter la loĝantaro, de rubisto ĝis prezidento. La nekompreno de la eksperimentaj celoj provokas diversformajn protestojn. Pasiva protesto de ĉino-kortpurigisto Van, kiu obstine ne volas ŝanĝi la profesion kaj leviĝi laŭ socia ŝtuparo. Usonano Donald Kuper mortpafas sin. Hebreo Izja Kacman serĉas pruvojn de la Eksperimento en historiaj dokumentoj. La plej revoluciemaj organizas armitan ribelon kontraŭ ekzistanta socia ordo. Evidentiĝas, ke malgraŭ uzado de malaj metodoj, la celoj de nazia suboficiro Gejger kaj komsomolano Andrej en multo koincidas. Kiu el la protagonistoj estas pli proksima al la Universala Vero, ĉu estas la respondo al tiu demando? |
Heliko sur deklivo
Ekzistas du mondoj – la Administracio kaj la Arbaro, respektive du protagonistoj – Perec kaj Kandid, kuraĝaj, honestaj, puranimaj personoj. Certagrade simplanimaj – la aŭtoroj eĉ aludas tion per la nomo “Kandid”, pruntita de Voltaire. Kaj ene de ĉiu el tiuj du mondoj, ĉirkaŭ la du protagonistoj bobelas vivo stranga, nekomprenebla aŭ neakceptebla por ili, agadas amaso da roluloj: primitivpensa oficistaĉo Domaroŝĉiner kaj seksavide orgojla ŝoforo Tuzik, ruzeta filozofo Kriplokruro kaj ŝatinda babilema knabino Nava... Kio estas kio, kaj kio estas kiu? Kiu mondo estas pli bona, malpli riproĉinda? Ĉu la Administracio, memoriganta iaman sovetiecan ŝtatmaŝinon per sia stulta leĝaro kaj same stultaj provoj konkeri la arbaron, nu, se ne konkeri, do almenaŭ prifeki ĝin? Aŭ la Arbaro, plena da miraklaj estaĵoj, nekompreneblaj fenomenoj, filozofiemaj vilaĝanoj kaj iaj senkoraj partenogenezaj “gloramikinoj”? Ambaŭ protagonistoj – Kandid en la Arbaro kaj Perec en la Administracio – provas kompreni kaj kontraŭstari la sistemojn, kiujn ili estas trafintaj hazarde. Pene, dolore ili proksimiĝas al la kompreno, sed ĉu ili venkos? Kiu el ili kun obstino de heliko rampos plu por atingi la pinton? Kaj, cetere, kio estas tiu pinto? |
Lundo ekas sabate
La jaroj 1960-aj. Programisto Aleksandr Privalov venas en urbeton Solovec, ie en fora sovetunia provinco, eklaboras en stranga scienc-esplora instituto “IESMASO” kiel gvidanto de kalkulfako, programante helpe de mistera maŝino “Aldan-3”. La instituto plenplenas de kreemaj sciencistoj, aŭ kio estas la samo – magiistoj diversgradaj, ja sciencaj inventoj kaj mirakloj ofte ne distingeblas. Strangaj eventoj, kiuj ĉiupaŝe okazas en la urbo kaj la instituto, dekomence incitas la programiston, poste iĝas rutina, ĉiutaga laboro. Fabelo kaj ordinara vivo interplektiĝas. Tumultas tagoj... Aperinta laŭ la motivoj de la libro en la 1980-aj en Rusio duparta filmo “Sorĉistoj” estas populara ĝis nun. |
La loĝata insulo
Maksim Kramerer, dudekjara kosmoŝipisto de GLS – Grupo de Libera Serĉo, neatendite trafas al nekonata planedo, ĉar dum meteoratako lia ŝipo grave averias. Ĉiuj homoj sur la planedo estas sub kontrolo de Nekonataj Patroj. Ili uzas radiadantajn turojn por obeigi la loĝantaron, sed ne ĉiuj obeas. Tiujn oni persekutas, mortigas aŭ sendas al danĝeraj por la vivo punlaboroj. Juna, atletika, iom naiva Maksim, la naskiĝinto de la komunisma sistemo, strebas unuope ŝanĝi la ekzistantan ordon, sed nescio de la lokaj specifaĵoj ĉiam puŝas lin al misaj agoj. Massarakŝ kaj massarakŝ! Ĉu unu soldato militon faras? En 2009 duparta filmo “La loĝata insulo” furoris en Rusio. Reĝisoro F. Bondarĉuk. |
La dua invado de marsanoj
|
La fora ĉielarko
|
Pikniko ĉe vojrando
|
Malfacilas esti dio
|
