Niaj aŭtoroj

Ricardo Kelmer naskiĝis en Fortalezo (nordorienta Brazilo), en 1964. Li kursis beletron kaj ĵurnalismon, estis redaktanto de reklamoj kaj mastro de la drinkejo Badauк [badaŭe'] en la kvartalo Plaĝo Iracema [irasema], Fortalezo. Li estis membro de la muzikbandoj Os The Breg Brothers kaj Intocбveis Putz Band. Ankaŭ radio-parolanto kaj kultura agento.

Detlev BLANKE naskiĝis en 1941, germania esperantisto, aktivulo de tutmonda esperantista movado. Doktoro de sciencoj, docento pri interlingvistiko de Humboldt-Universitato en Berlino.

Oleg KRASNIKOV naskiĝis en 1937, rusia esperantisto, ekde 1970 loĝas en urbo Kirov (ĝis 1934 –Vjatka). Esperantiĝis en 1955, estante studento de la unua jaro de Urala politeknika instituto en urbo Sverdlovsk (nun Jekaterinburg). Dum multaj jaroj Oleg Krasnikov esploris arkivajn dokumentojn kaj notis rememorojn de veteranoj de rusia esperantista movado dum personaj renkontiĝoj.

Dmitrij VLASOV, naskiĝis en 1987, ricevis specialecon de geologia fakultato kaj magistran rangon de ĵurnalista fakultato de Sankt-Peterburga ŝtata universitato.

Mikaelo Bronŝtejn, 1949, Ukrainio. Inĝeniero, ĵurnalisto. Profesie laboris kiel ĉefrespondeculo pri elektro en Leningrada regiono kaj en Vorkuta, dum sep jaroj oficis kiel direktoro de plastvara uzino.

Nikolao GUDSKOV, naskiĝis en 1953, doktoro pri biologio, nun instruas en universitato la natursciencojn kaj filozofion, laboras en sociaj organizoj por defendado de la homaj rajtoj, okupiĝas pri redaktado de gazetoj kaj retejoj.